Bayern Munich-u vëzhgon nga afër talentin shqiptar Brajan Gruda
**Mynih, Gjermani** – Bayern Munich-u po ndjek me interes zhvillimin e talentit shqiptar, Brajan Gruda, të cilin e konsideron një futbollist me potencial të madh për të ardhmen.
Klubi bavarez e konsideron Grudën një objektiv afatgjatë, duke besuar se ai posedon cilësitë e duhura për t’u shndërruar në një nga figurat kryesore të futbollit gjerman në vitet e ardhshme. Lajmin e bën të ditur Indeksonline, duke iu referuar burimeve të afërta me klubin.
Interesimi vjen për shkak të profilit të tij të shumanshëm; Gruda është i aftë të luajë si anësor dhe si mesfushor sulmues (numër 10), duke demonstruar një nivel të lartë teknik, gjë që e bën profilin e tij veçanërisht tërheqës për gjigantin gjerman.
Megjithatë, për momentin nuk ka asnjë negociatë mes palëve. Interesi i Bayern Munich-ut është ende në fazën e vëzhgimit të thelluar dhe monitorimit të paraqitjeve të futbollistit.
Ky është një interesim fillestar, ndërsa mbetet për t’u parë nëse gjiganti gjerman do të ndërmarrë hapa konkretë drejt transferimit të tij në të ardhmen.