Skuadra e Serie A-së, Como, shtatë vjet më parë as që luante në një divizion profesionist në Itali, ndërsa tani ka fituar ndeshjen e parë të saj në histori në Ligën e Kampionëve dhe ka skuadrën e 13-të më të vlefshme në këtë garë, raporton “Transfermarkt”.
Como e mposhti RB Leipzigun 4-1 në “Stadio Sinigaglia” të enjten, në ndeshjen e parë të Ligës së Kampionëve në historinë e klubit.
Kur familja Hartono e bleu Comon në vitin 2019, “Azzurri” po luanin në Serie D, divizioni i katërt i futbollit italian. Prej aty, ata u ngjitën në piramidën e futbollit italian, siguruan kualifikimin në Ligën e Kampionëve për sezonin 2025-26 dhe dje fituan ndeshjen e tyre të parë në kompeticionin elitar të Evropës.
Como ka qenë ndër klubet që kanë shpenzuar më së shumti në Serie A vitet e fundit, por ajo që e dallon nga shumica e rivalëve të saj në Itali dhe Evropë është aftësia për të bërë transferime të reja brenda një plani teknik të përcaktuar qartë, të frymëzuar nga trajneri dhe aksionari minoritar i klubit, Cesc Fabregas.
Como sapo e ka fituar ndeshjen e parë në histori në Ligën e Kampionëve, por vlera e raportuar e skuadrës së saj pasqyron ambiciet aktuale dhe të ardhshme të klubit.
Sipas raportimit të Transfermarkt, Como renditet e 13-ta ndër skuadrat më të vlefshme në këtë sezon të Ligës së Kampionëve dhe është skuadra e dytë më e vlefshme në këtë garë pas kampionit në fuqi të Serie A-së, Interit./GazetaExpress/
