Këngëtarja Blerina Matraku ka reaguar sërish në rrjetet sociale pas publikimit të videove intime me kompozitorin Adrian Hila. Në këtë reagim të dytë publik, ajo shpreh pendesë të thellë dhe kërkon falje për situatën e krijuar.
Përmes një mesazhi të gjatë, artistja kërkon falje sidomos nga bashkëshortja e Adrian Hilës, Klaudia, dhe vajzat e tij, duke pranuar dhimbjen që u ka shkaktuar. Matraku thekson se ka gabuar dhe se duhet të mbajë përgjegjësi për veprimet e kryera. Ajo pohohet se nuk mund t’i ndalë lotët dhe dhimbjen që, sipas saj, ka kaluar çdo kufi njerëzor.
Blerina Matraku shprehet se është përballur me vështirësitë e jetës dhe karrierës pa mbështetje, si dhe pranon se shumë prej deklaratave të saj të mëparshme kanë qenë të ekzagjeruara.
Në mesazhin e saj, ajo shkruan se nuk është “këngëtare e studiove të tëra”, por një artiste që e ka ndërtuar rrugëtimin e saj përmes punës dhe vështirësive. Ajo ripërsërit faljen për Klaudia Hilën dhe vajzat e saj, duke u shprehur: “Lotët e çdo gruaje, apo vajze, o Zot lotët e çdo fëmije, lotët e nënës sime, të Klaudias…!”
Këngëtarja thekson se pendohet thellësisht për veprimet e saj dhe e pranon plotësisht përgjegjësinë, duke shtuar se dhimbja që po përjeton tani ka kapërcyer çdo kufi dhe nuk di si ta ndalë. Ky reagim i dytë vjen pas deklaratës së saj të parë, ku ajo kërkoi ndalimin e shpërndarjes së videove intime dhe apeloi për respektimin e privatësisë.