Vdekja e Parë nga Trotineti Elektrik në Gjenevë
Një aksident tragjik në Gjenevë ka marrë jetën e viktimës së parë si pasojë e përdorimit të trotinetëve elektrikë, duke rritur ndjeshëm shqetësimet për sigurinë rrugore.
Sipas mediave zvicerane, një burrë rreth të gjashtëdhjetave ndërroi jetë pas një aksidenti me trotinet elektrik që ndodhi gjatë fundjavës. Ky shënon rastin e parë me pasojë fatale të këtij lloji në kantonin e Gjenevës.
Kjo ngjarje vjen në një kohë kur përdorimi i trotinetëve elektrikë është rritur ndjeshëm në qytetet zvicerane, e bashkë me të është shtuar edhe numri i aksidenteve.
Statistikat kombëtare tregojnë se disa raste me pasojë fatale, që përfshijnë trotinetë elektrikë, janë regjistruar vitet e fundit. Shumica e aksidenteve ndodhin si pasojë e gabimeve të vetë drejtuesve.
Ekspertët e sigurisë rrugore paralajmërojnë se këto mjete paraqesin rrezik të lartë për shkak të shpejtësisë, mungesës së mbrojtjes fizike dhe vështirësisë që kanë përdoruesit e tjerë të rrugës për t’i vënë re në kohë.
Ky rast pritet të rikthejë në qendër të debatit rregullimin më të rreptë të përdorimit të trotinetëve elektrikë në Zvicër, përfshirë masat për rritjen e sigurisë dhe ndërgjegjësimin e përdoruesve.