**Lamtumirë e Fundit për Dy Mërgimtaret Shqiptare të Ndara nga Jeta në Aksidente Tragjike**
E enjtja shënon një ditë zie të thellë për dy familje shqiptare, të cilat sot i japin lamtumirën e fundit dy grave të tyre që humbën jetën tragjikisht në aksidente të ndara jashtë Kosovës.
Ceremonia mortore për Besire Kolgeci-Baraliun, me prejardhje nga fshati Bukosh i Suharekës, do të mbahet sot. Ajo humbi jetën si pasojë e një aksidenti trafiku të ndodhur në Francë.
Sipas njoftimit të familjarëve, varrimi do të bëhet në orën 14:00 në varrezat e qytetit Lingolsheim, në Francë.
Në aksidentin tragjik mbetën të lënduar edhe bashkëshorti dhe dy djemtë e saj, të cilët aktualisht po marrin trajtim mjekësor në një spital në Bazel.
Gjithashtu, sot do t’i jepet lamtumira e fundit edhe 20-vjeçares Rina Krasniqi, me origjinë nga fshati Damanek i Malishevës, e cila ndërroi jetë tragjikisht në një aksident trafiku në Gjermani.
Varrimi i saj, siç kanë njoftuar familjarët, do të bëhet në orën 18:00, në varrezat e fshatit Damanek. Aty do të përcillet për në banesën e fundit nga familjarë, miq dhe bashkëfshatarë.
Humbja e dy mërgimtareve ka prekur thellë familjet dhe gjithë komunitetin shqiptar, duke nxitur reagime të shumta dhe mesazhe ngushëllimi nga bashkatdhetarët.
(Burimi: Albinfo.ch)