Deputetët e Kuvendit të Kosovës kanë përkujtuar Tetorin Rozë, muajin e ndërgjegjësimit ndërkombëtar për kancerin e gjirit, duke vendosur shalle rozë. Ky gjest simbolik shërbeu si shprehje solidariteti me gratë e prekura nga kjo sëmundje.
Qëllimi i kësaj nisme është të përcjellë një mesazh të qartë mbështetjeje për të gjitha gratë që përballen me kancerin e gjirit, si dhe të rrisë ndërgjegjësimin mbi rëndësinë jetike të parandalimit dhe diagnostikimit të hershëm.
Tetori Rozë shënohet çdo vit në shumë vende të botës për të promovuar informimin mbi kancerin e gjirit dhe për të inkurajuar gratë që të kryejnë kontrolle të rregullta mjekësore, si dhe të kujdesen për shëndetin e tyre. Zbulimi i hershëm i sëmundjes rrit ndjeshëm mundësitë për një shërim të plotë.