**Torres më efektiv se Mbappé në shifra**
Ferran Torres ka rezultuar më efikas se Kylian Mbappé në shënimin e golave këtë sezon në La Liga, sipas statistikave të fundit të publikuara.
Edhe pse Mbappé gëzon një reputacion botëror dhe konsiderohet si një nga sulmuesit më të mirë në botë, të dhënat tregojnë se sulmuesi i FC Barcelona shfaq shifra më të larta në disa parametra kyç.
Sipas analizës së detajuar të Opta, Ferran Torres ka treguar më shumë produktivitet kur përjashtohen penalltitë, me këto të dhëna:
* 14 gola pa penallti
* Një gol çdo 118 minuta
* 16.6% realizim i rasteve
Ndërkaq, Kylian Mbappé, shënon këto statistika:
* 15 gola pa penallti
* Një gol çdo 148 minuta
* 13.7% realizim i rasteve
Këto shifra theksojnë se, të paktën në efikasitetin për minutë dhe shfrytëzimin e rasteve, Ferran Torres ka qenë më i saktë dhe më kërcënues gjatë këtij sezoni në La Liga.