Vendim i ri: Legalizimi i filmave errësues në xhamat e makinave do të bëhet përmes A-TEST-it
Nga data 1 prill 2026, të gjitha automjetet me xhama të errësuar do të duhet t’i legalizojnë ato përmes procedurës së A-TEST-it. Ky veprim është i nevojshëm për t’u pajisur me dokumentacion të rregullt, siç raporton IndeksOnline.
Sipas njoftimit, ky proces do të realizohet në Qendrën e Automjeteve të Kosovës (QAK), ku do të verifikohet përputhshmëria e xhamave me standardet e lejuara.
Institucionet kompetente theksojnë se pa kryerjen e A-TEST-it, filmat errësues në xhama do të konsiderohen të paligjshëm, çka mund të sjellë gjoba për drejtuesit e automjeteve.
Pronarët e makinave që kanë instaluar filma errësues në xhama, këshillohen të paraqiten në QAK për të kryer testimin dhe për të shmangur dënimet e mundshme.