**Istog: Tentativë Vrasjeje me Fëmijë të Përfshirë, një i Mitur në Gjendje Kritike**
Një ngjarje e rëndë ka tronditur qytetin e Istogut, ku një tentativë vrasjeje ka lënë tre persona të lënduar, ndërsa njëri prej tyre, një i mitur, ndodhet në gjendje kritike për jetën. Ajo që shton edhe më tej shqetësimin është fakti se personat e përfshirë në këtë incident janë të moshave 12, 13 dhe 14 vjeçare.
Sipas informacioneve të para, ngjarja ka nisur si një përleshje fizike mes disa personave, e cila më pas dyshohet se ka shkallëzuar në përdorimin e një mjeti të mprehtë.
Tre persona kanë marrë lëndime gjatë përleshjes. Njëri prej tyre, një i mitur, është dërguar menjëherë në Qendrën Klinike Universitare të Kosovës (QKUK) për trajtim mjekësor. Nga Prokuroria është bërë e ditur se gjendja shëndetësore e të miturit është kritike.
Burime të sigurta të Klan Kosova kanë bërë me dije se të përfshirët në këtë incident janë fëmijë të moshës 12, 13 dhe 14 vjeçare.
Motivi që ka çuar deri te kjo tentativë vrasjeje mbetet ende i paqartë për autoritetet. Policia e Kosovës ka konfirmuar se deri më tani, asnjë person i dyshuar nuk është arrestuar në lidhje me këtë rast.