**Vjosa Osmani: Tubim i suksesshëm në Podujevë, drejtohemi për në Skenderaj për hapjen e zyrave të reja të LDK-së**
Vjosa Osmani, kandidatja e Lidhjes Demokratike të Kosovës (LDK) për presidente, deklaroi se në Podujevë u zhvillua një tubim i shkëlqyer me qytetarë, në kuadër të platformës së tyre “Hajde folim”. Ajo ishte e shoqëruar nga kandidati i partisë për kryeministër, Lumir Abdixhiku.
“Sapo kemi përfunduar një takim “Hajde folim” mjaft të suksesshëm në Llap. Me banorët e Llapit diskutuam tema të shumta me interes për qytetarët, duke filluar nga çmimet e rritura dhe çështjet e energjisë, e deri te rikthimi i shpresës për zhvillim,” citohet të ketë thënë Osmani.
Më pas, Osmani njoftoi se nga Llapi, ata janë nisur drejt Skenderajt, ku do të bëhet hapja e zyrave të reja të LDK-së.
“Nga Skenderaj do të vazhdojmë për në Istog dhe më pas në Pejë. Pas kësaj, do të kthehemi në Lipjan dhe në Gadime,” theksoi Osmani.
“Presim me padurim t’i takojmë të gjithë,” përfundoi ajo.