**Ndërron jetë Drita Kuqi, veprimtare dhe ish-e burgosur politike; Haradinaj thekson kontributin e saj**
Veprimtarja dhe ish-e burgosura politike, Drita Kuqi, ka ndërruar jetë. Lajmin e bëri të ditur ish-bashkëluftëtari dhe veprimtari Nasim Haradinaj, i cili përmes një postimi në rrjetet sociale nderoi figurën e saj.
Haradinaj e kujtoi Kuqin si një veprimtare të devotshme dhe bashkëveprimtare të babait të tij, Ismail Haradinaj, në kuadër të një grupi ilegal politik të Lëvizjes Kombëtare Shqiptare për Kosovën dhe Vise të Bashkuara (LNÇKVSHJ).
Duke theksuar rëndësinë e kontributit të saj, Haradinaj shkroi: “Jeta dhe veprimtaria e saj janë dëshmi e sakrificës së brezit që mbajti gjallë frymën e rezistencës dhe idealin kombëtar në kohën kur fjala ‘liri’ paguhej me burg e vuajtje.”
Drita Kuqi u dënua politikisht në vitin 1981 nga regjimi i atëhershëm okupues, por mbeti stoike dhe e paepur përballë persekutimit, burgut dhe padrejtësive. Ajo nuk u zmbraps asnjëherë nga ideali për liri, bashkim kombëtar dhe çlirimin e Kosovës, si dhe viseve të tjera shqiptare nën okupimin sllav. Figura e saj do të kujtohet për guximin, përkushtimin dhe qëndresën e saj kombëtare.