**Tërmet 5.8 ballë në Japoni, lëkundje të ndjeshme pranë Tokios**
Një tërmet me magnitudë 5.8 ka goditur të premten prefekturën Chiba në Japoni, duke shkaktuar lëkundje të ndjeshme edhe në zonat pranë kryeqytetit Tokio. Autoritetet japoneze dhe Shërbimi Gjeologjik i SHBA-së (USGS) konfirmuan se nuk u lëshua asnjë paralajmërim për cunami.
Agjencia Meteorologjike e Japonisë (JMA) njoftoi se tërmeti ndodhi në orën 12:46 me orën lokale, me epiqendër në prefekturën Chiba, në një thellësi prej rreth 50 kilometrash. JMA regjistroi një intensitet sizmik maksimal prej 4 ballësh sipas shkallës japoneze me shtatë nivele të lëkundjeve (Shindo), duke theksuar se nuk kishte rrezik për cunami.
Edhe Shërbimi Gjeologjik i SHBA-së (USGS) raportoi tërmetin me magnitudë 5.8, duke e vendosur epiqendrën rreth 4 kilometra në jug-juglindje të Yokoshibas dhe në një thellësi prej 56 kilometrash.
Menjëherë pas ngjarjes, nuk u raportuan viktima apo dëme të konsiderueshme materiale.