Harry Kane me zë të humbur: Intervista post-ndeshje bëhet virale pas kualifikimit të Anglisë
Kombëtarja e Anglisë ka siguruar kualifikimin në fazën çerekfinale të Kupës së Botës, pas një fitoreje dramatike 3:2 kundër Meksikës në një ndeshje plot emocione. Pas ndeshjes, sulmuesi dhe kapiteni Harry Kane doli për një intervistë për mediat, e cila ka tërhequr vëmendje të madhe në opinionin publik dhe në rrjetet sociale.
Mirëpo, ylli anglez hasi në vështirësi të mëdha për të folur, pasi kishte humbur plotësisht zërin, me gjasë nga lodhja dhe brohoritjet e shumta gjatë ndeshjes.
“E kam të vështirë të flas. Kam humbur zërin”, deklaroi Kane, duke shfaqur qartë gjendjen e tij fizike.
Pavarësisht kësaj pengese, gazetarja e BBC Sport-it vijoi intervistën me sulmuesin, i cili mezi artikulonte fjalët, duke e bërë këtë moment edhe më të veçantë.
Një video e shkurtër e kësaj interviste, e shpërndarë gjerësisht në platformat sociale, përfshirë atë nga gazetari i njohur sportiv Fabrizio Romano, tregon qartë situatën komike dhe sfiduese të Kane. Përdoruesit e rrjeteve sociale e kanë cilësuar këtë si një nga intervistat më të paharrueshme dhe më të sinqerta pas një ndeshjeje të futbollit.