Mario Mitaj transferohet në Serie A, urimi i Armando Dukës
Futbollisti shqiptar Mario Mitaj ka bërë hapin e rëndësishëm në karrierë duke u transferuar në Serie A, te skuadra e Genoas. Me këtë rast, presidenti i Federatës Shqiptare të Futbollit (FSHF), Armando Duka, ka shprehur urimet e tij për mjetin e talentuar.
Në mesazhin e tij urues, Duka theksoi rëndësinë e këtij transferimi, duke shkruar:
“Urime Mario Mitajt për hapin e ri në karrierë dhe transferimin te Genoa.
Një tjetër dëshmi se futbolli shqiptar po fiton gjithnjë e më shumë respekt dhe vlerësim në arenën ndërkombëtare. Talenti, puna dhe përkushtimi i futbollistëve tanë po shpërblehen në kampionatet më të forta të Europës.
Çdo kuqezi që ngjitet në skena të mëdha frymëzon brezin e ri, lartëson emrin e Shqipërisë dhe na bën të gjithëve krenarë.
Jam i bindur se Mario do ta përfaqësojë me dinjitet futbollin shqiptar edhe në Serie A.
Suksese në këtë aventurë të re, Mario! Shqipëria është krenare për ty.”
Ky urim u publikua gjerësisht në media, përfshirë edhe portalin Indeksonline.