Gëzim në Oborrin Mbretëror Jordan: Princesha Iman mirëpret vajza binjake
Oborri Mbretëror Hashemit ka njoftuar një lajm të gëzueshëm: Princesha Iman, vajza e Mbretit Abdullah II dhe Mbretëreshës Rania, është bërë nënë e vajzave binjake, duke zgjeruar kështu familjen mbretërore jordaneze.
Lajmi u bë i ditur të premten, më 14 gusht, nga Oborri Mbretëror Hashemit, i cili uroi çiftin për ardhjen në jetë të dy vajzave.
“Oborri Mbretëror Hashemit shpreh urimet më të ngrohta për Princeshën Iman dhe bashkëshortin e saj, si dhe për prindërit e saj, Madhërinë e Tij Mbretin Abdullah II dhe Madhërinë e Saj Mbretëreshën Rania,” thuhej në njoftim.
Princesha Iman është e martuar me Jamil Alexandros Thermiotis, me origjinë greke. Çifti kurorëzoi martesën në mars të vitit 2023, në Pallatin Beit Al Urdun në Aman.
Më herët, ata u bënë prindër për herë të parë me lindjen e vajzës së tyre, Amina.
Iman është fëmija e dytë nga katër fëmijët e Mbretit Abdullah II dhe Mbretëreshës Rania. Ajo ka një vëlla më të madh, Princin e Kurorës Hussein, si dhe motrën Princeshë Salma dhe vëllain më të vogël, Princin Hashem.
Me ardhjen në jetë të binjakëve, familja e Princeshës Iman dhe Jamil Thermiotis tashmë numëron pesë anëtarë.