Kryetari i Deçanit, Bashkim Ramosaj, ka bërë homazhe në Zonën e Dukagjinit, në 28-vjetorin e 24 Marsit, duke kujtuar me krenari tre dëshmorët e parë të kësaj dite historike: Gazmend Mehmetaj, Agron Mehmetaj dhe Himë Haradinaj.
Ai tha se 24 Marsi mbetet një nga datat më të lavdishme të historisë sonë, dita e Haradinajve, e Ushtrisë Çlirimtare të Kosovës dhe e sakrificës së madhe për liri.
Postimi i plotë
Duke nderuar kujtimin e dëshmorëve të Kombit, nderojmë atdheun tonë dhe përulemi me respekt para sakrificës së tyre për liri.
Sot, në 28-vjetorin e 24 Marsit 1998, ditës që shënoi fillimin e luftës për çlirimin e vendit në Zonën e Dukagjinit, bëmë homazhe për të gjithë ata që dhanë jetën për lirinë që e gëzojmë sot.
Me krenari e mirënjohje kujtojmë tre dëshmorët e parë të kësaj dite historike, Gazmend Mehmetaj, Agron Mehmetaj dhe Himë Haradinaj.
24 Marsi mbetet një nga datat më të lavdishme të historisë sonë, dita e Haradinajve, e Ushtrisë Çlirimtare të Kosovës dhe e sakrificës së madhe për liri.
Mirënjohje e përjetshme për aleatët tanë, për NATO-n dhe për Shtetet e Bashkuara të Amerikës.
Lavdi jetës dhe veprës së dëshmorëve të Kombit!
BR