Policia e Kosovës ka njoftuar për një incident të rëndë zjarri në Prishtinë, ku janë përfshirë tri automjete dhe një pjesë e një shtëpie. Ngjarja ka ndodhur në rrugën “Selman Lokaj” në orët e para të mëngjesit të datës 25.08.2026, rreth orës 01:10.
Sipas raportit të Policisë, zjarri, shkaktuar në rrethana ende të panjohura, ka përfshirë tri vetura dhe një pjesë të banesës së një shtetasi. Ekipet emergjente, përfshirë njësitet policore dhe zjarrfikësit, kanë dalë menjëherë në vendin e ngjarjes dhe kanë arritur të lokalizojnë zjarrin.
Përveç dëmeve të konsiderueshme materiale, fatmirësisht nuk raportohet për persona të lënduar nga ky incident.
Policia e Kosovës ka nisur hetimet për të zbardhur shkaqet dhe rrethanat e plota të ngjarjes.