Chelsea po kalon një moment të vështirë në mbrojtje, teksa statistikat e fundit janë shqetësuese.
Pas humbjes 3-0 ndaj Brentfordit, skuadra e drejtuar nga Mauricio Pochettino ka pësuar 12 gola në pesë ndeshjet e para të Premier League, një shifër më e lartë se çdo ekip tjetër në kampionat.
“Blutë” kanë një mesatare prej 2.4 golash të pësuar për ndeshje, ndërsa problemet në repartin defensiv janë thelluar edhe për shkak të mungesave të disa lojtarëve kyç.
Chelsea aktualisht renditet i shtati në tabelën e Premier League me shtatë pikë. Ndeshjen e radhës, ekipi londinez do ta zhvillojë më 10 tetor kundër Bournemouthit, në shtëpi, në “Stamford Bridge”.