Manchester City dhe Liverpooli po monitorojnë nga afër mesfushorin e Borussia Dortmundit, Felix Nmecha, me dy klubet angleze që po e ndjekin situatën e 25-vjeçarit për një transferim të mundshëm.
Megjithatë, Borussia Dortmundi nuk ka plane për ta shitur Nmechan në afatin kalimtar të janarit dhe do të merrte në konsideratë vetëm një ofertë të jashtëzakonshme.
Sipas “Fussball-News”, klubi gjerman e vlerëson mesfushorin rreth 70 deri në 78 milionë funte, shifër kjo që do të duhej të paguhej për ta bindur Dortmundin të negociojë largimin e tij.
Nmecha vazhdon të jetë pjesë e rëndësishme e skuadrës së Dortmundit, ndërsa interesi nga Premier League mund të bëhet më konkret në muajt e ardhshëm.