**Arrestohet shoferi në Prishtinë pas aksidentit me këmbësore**
Një shofer është arrestuar në Prishtinë, pasi dyshohet se ka goditur me veturë një këmbësore, duke i shkaktuar lëndime. Ngjarja ka ndodhur më 22 shtator 2026, rreth orës 13:00.
Policia e Kosovës ka njoftuar se aksidenti dyshohet të ketë ndodhur si pasojë e pakujdesisë së shoferit. Këmbësorja e lënduar është dërguar menjëherë për trajtim mjekësor në Qendrën Klinike Universitare të Kosovës (QKUK).
Pas konsultimit me prokurorin e shtetit, është iniciuar rasti penal për veprën “rrezikim i trafikut publik”. I dyshuari është dërguar në mbajtje.