Pasi u shpall fajtor për 114 akuza të Premierligës, Manchester City mund të përballet me përjashtim nga elita e futbollit anglez – por nëse kjo ndodh, cilët lojtarë të Cityt do të qëndronin?
Skuadra e Enzo Marescas, nëse italiani do të jetë ende në krye, së shpejti mund të duket krejt ndryshe. Me Manchester Cityn që përballet me mundësinë e përjashtimit nga Premierliga, mbetet pyetja: kush do të qëndrojë te City?
Erling Haaland, kontrata e të cilit me pagë prej 500 mijë paundësh në javë zgjat deri në vitin 2034 dhe nuk përmban klauzolë për rënien nga liga, mund të detyrohet të mbetet në klub dhe të pranojë ulje page, nëse ndonjë skuadër tjetër nuk arrin ta transferojë, shkruan “Sport Bible”.
Phil Foden
Duke nisur me Phil Fodenin, një tifoz i Manchester Cityt që nga fëmijëria, 26-vjeçari mund të llogaritet si një lojtar që do të hyjë në historinë e Cityt dhe do të marrë shiritin e kapitenit në Championship.
Ndërsa shumëkush mund të presë që Foden të largohet, rënia e Manchester Cityt nga Premierliga do t’i ofronte anglezit platformën e përsosur për të konsoliduar veten si një prej legjendave më të mëdha të të gjitha kohërave të Cityt.
Pasi ka pasur vështirësi për të siguruar një vend të garantuar në formacionin titullar të Cityzens që nga shpërthimi i tij nën drejtimin e Pep Guardiolës, përjetimi i një sezoni në Championship do ta bënte me siguri një pjesë të pandashme të Cityt.
Rico Lewis
Bashkë me të do të qëndronte edhe Rico Lewis, motivimi i të cilit ka të ngjarë të jetë i ngjashëm. Nëse ai zgjedh të përjetojë futbollin e kategorisë së dytë angleze, trashëgimia e tij te Manchester City do të vulosej.
Anglezi ka luajtur vetëm 57 minuta në Premierligë këtë sezon dhe ka bërë vetëm katër startime në elitë gjatë sezonit të fundit të Guardiolës.
Si një tjetër produkt i akademisë së Manchester Cityt, opsionet e Lewisit, krahasuar me Fodenin, do të jenë të pakta.
Por një sezon i plotë në Championship si titullar, për ta rikthyer Cityn aty ku i takon, jo vetëm që do të ishte opsioni më i zgjuar afatgjatë, por ndoshta edhe ai më i mirë afatshkurtër.
Abdukodir Khusanov
Në fund, Abdukodir Khusanov do të mbetet te City. Kalimi në Manchester ishte një ëndërr e bërë realitet për mbrojtësin uzbek dhe ai nuk do ta sakrifikonte atë për t’i shpëtuar futbollit në Championship.
Më shumë se Lewisi, por gjithsesi më pak se Fodeni, 22-vjeçari do të kishte opsione. Pavarësisht lidhjeve me Chelsean që prej vendimit të fajësisë së Cityt për 114 akuza, uzbeku do të mbetej i përkushtuar ndaj klubit.
Rasti i Khusanovit është pak më i vështirë për t’u shpjeguar, pasi ai nuk ka rrënjë në Manchester, por besnikëria e tij është e dukshme në çdo paraqitje me fanellën e Cityt.
Uzbeku, i cili sezonin e kaluar startoi në 22 ndeshje të Premierligës nën drejtimin e Guardiolës, luan çdo ndeshje sikur të ishte e fundit dhe kjo mentaliteti “gjithçka ose asgjë” është i krijuar për Championshipin.
Nëse Khusanov mendon afatgjatë, ai do të shohë se vuajtja afatshkurtër në kategorinë e dytë për hir të një trashëgimie të përjetshme te Manchester City ia vlen.
Dhe, nëse gjithçka tjetër dështon, Chelsea me siguri do ta blejë gjithsesi, pasi “Blutë” gjithmonë bëjnë diçka të tillë. Të gjithë fitojnë.
Ryan McAidoo
Ryan McAidoo është lojtari i katërt për të cilin mund të thuhet se do të mbetet te City, pavarësisht së ardhmes së mundshme të klubit në Championship.
Ndryshe nga Lewisi apo Fodeni, ai nuk ka pasur shumë përvojë me ekipin e parë të Cityt, ndërsa hapat e tij të parë në akademi i bëri te Colchester United, më pas te Chelsea dhe në fund te “Cityzens”.
Në moshën vetëm 18-vjeçare, nëse nuk ndodh ndonjë shpërthim i papritur në karrierë apo ndonjë transferim para se rënia nga Premier League të konfirmohet, një sezon në kategorinë e dytë angleze do t’i bënte shumë mirë McAidoos.
Pas rikthimit të Cityt në Premierligë, një sezon në Championship do ta ndihmonte McAidoo të zhvillonte fizikisht dhe në aspektin e përgjithshëm të lojës, duke e bërë një figurë të rëndësishme në formacionet e ardhshme të Cityzens.
Kategoria e dytë mund të shërbejë gjithashtu si një trampolinë e mirë për anglezin, nëse më vonë do të dëshironte të largohej nga City.
Kaden Braithwaite
Në fund, si futbollisti i katërt anglez në këtë listë dhe i pesti në total, Kaden Braithwaite do të qëndronte te City. Ai u zbulua nga City që në moshën nën shtatë vjeç dhe besnikëria e tij daton shumë herët.
Ashtu si bashkëlojtari i tij në repartin ofensiv, Braithwaite është vetëm 18 vjeç dhe ka ende kohë për të bërë hapin drejt klubeve të tjera të Premierligës, nëse aventura e tij në Championship nuk përfundon me promovim.
Një sezon në kategorinë e dytë do ta zhvillonte lojën e anglezit, do ta pengonte të merrte vendime që mund t’i ndryshonin karrierën duke u ngjitur një nivel shumë lart, shumë herët, dhe gjithashtu do të vuloste trashëgiminë e tij te City. Askush nuk tha se ishte e lehtë të bëheshe Vincent Kompany i ardhshëm, apo jo?/GazetaExpress/