**Zidane i zhgënjyer pas barazimit me Italinë: Meritnim më shumë, por pa gola s’ka fitore**
“Jam i zhgënjyer, sepse meritonim më shumë. Kemi pasur mundësi për të mbyllur ndeshjen në favorin tonë, por nuk ia dolëm, dhe futbolli nganjëherë është i tillë,” – kështu deklaroi Zinedine Zidane në konferencën e tij për shtyp pas barazimit 1-1 me Italinë në Ligën e Kombeve.
Trajnerit francez, në ndeshjen e tij të parë si drejtues i Kombëtares në shtëpi, iu rezervua një pritje madhështore nga tifozët, dhe Zidane nuk ngurroi t’i falënderonte ata.
“Ishte emocionuese. Do të kishim dashur t’i dhuronim një fitore stadiumit dhe të gjithë kombit, por gjërat nuk shkuan sipas planit,” – vijoi Zidane, i cili megjithatë mbeti i kënaqur me paraqitjen e skuadrës së tij.
“Italia zhvilloi ndeshjen e saj tipike,” – shtoi Zinedine Zidane. “Nëse ke mundësi për të shënuar, duhet ta bësh, sepse ndryshe vijnë surpriza. Jam i kënaqur me atë që bëri skuadra, tani duhet të pushojmë dhe të mendojmë për ndeshjen e radhës.”
Zizou foli më specifikisht edhe për skuadrën e Roberto Mancinit.
“A e prisja këtë Itali? Kjo është Italia; ata mund të kenë momente të dobëta, por dinë të luajnë edhe shumë mirë. Fituan kundër Turqisë dhe ndaj nesh treguan forcën e tyre. U mbrojtën mirë,” – përfundoi Zinedine Zidane.