**Deputetes Australiane i Amputohen Këmbët Pas Goditjes me Automjet**
Phil Haines, bashkëshorti i deputetes australiane Helen Haines, ka konfirmuar se asaj i janë amputuar të dyja këmbët. Ai shtoi se “lajmi i mirë” ishte që ajo ndodhet “gjallë dhe në gjendje të qëndrueshme”, siç raporton BBC.
Haines pësoi lëndime të rënda në pjesën e poshtme të trupit të hënën, pasi u godit nga një makinë.
I dyshuari për sulmin, Brendan Nugent, është paraqitur shkurtimisht para gjykatës. Nugent, 43 vjeç, nuk kërkoi lirimin me kusht dhe pritet të rikthehet në gjykatë në shkurt.
Ai akuzohet për ngarje të rrezikshme automjeti me pasojë lëndime të rënda, shkaktim të qëllimshëm të lëndimeve serioze dhe dëmtim ndaj një zyrtari publik të Komonuelthit. Policia nuk ka përjashtuar akuza shtesë, përfshirë tentativën e vrasjes.