**Myrto Uzuni, protagonist me dygolësh në fitoren e Austinit**
Sulmuesi shqiptar, Myrto Uzuni, vazhdon të jetë në një formë të shkëlqyer në Kampionatin Amerikan të Futbollit (MLS).
Në ndeshjen e fundit kundër Sporting Kansas Cityt, Uzuni ishte protagonisti kryesor, duke shënuar dy gola vendimtarë. Falë kontributit të tij, skuadra e Austinit arriti të përmbyste rezultatin, duke siguruar një fitore thelbësore.
Me këto dy realizime, sulmuesi kuqezi ka arritur në kuotën e 9 golave në këtë sezon të MLS-së.
Megjithatë, pavarësisht performancës individuale të Uzunit, skuadra e Austinit gjendet në pozita të vështira. Me 34 pikë, ata zënë vendin e parafundit në tabelën e renditjes, duke e bërë të largët shpresën për një vend në play-off.