Qeveria në detyrë e Republikës së Kosovës ka mbajtur një mbledhje elektronike, në të cilën ka miratuar vendimin për ndryshimin dhe plotësimin e vendimit të qeverisë nr.01/64, për zbatimin e sanksioneve ndërkombëtare.
Kjo bëhet me qëllim të linjëzimit të politikës së jashtme të Republikës së Kosovës me Politikën e Përbashkët të Jashtme dhe të Sigurisë së BE-së, shkruan IndeksOnline.
Vendimi në fjalë ka të bëjë me vendosjen e sanksioneve ndaj Rusisë, për luftën në Ukrainë.
IndeksOnline raporton se në kuadër të vendimit, Qeveria miratoi njëzëri ngrirjen e aseteve në Kosovë për personat dhe entitetet e sanksionuara, ndalimin e hyrjes (udhëtimi) në territorin e Kosovës, si dhe ndalimin e ofrimit të fondeve (direkt apo indirekt) për këta persona/entitete.