**Arrestohet një person në Prishtinë, dyshohet për përdhunim**
Policia e Kosovës ka njoftuar se ka arrestuar një person në Prishtinë, nën dyshimin se ka kryer veprën penale të përdhunimit ndaj një femre.
Në raportin ditor të Policisë së Kosovës theksohet se personi i dyshuar është dërguar në mbajtje pas arrestimit.
Sipas detajeve të raportit, rasti ka ndodhur në Prishtinë më 1 korrik 2026. Bëhet e ditur se i dyshuari, një mashkull kosovar, ka kryer veprën penale të përdhunimit ndaj një viktime femër, gjithashtu kosovare.
Lidhur me këtë rast, personi i dyshuar është arrestuar dhe, pas intervistimit, me vendim të prokurorit kompetent, është dërguar në mbajtje.