**Burrë i Gjetur i Vdekur në Shtëpi në Pejë**
Një burrë është gjetur pa shenja jete të shtunën në mbrëmje në shtëpinë e tij në Pejë.
Lajmin e ka konfirmuar Policia e Kosovës, duke bërë të ditur se viktima u gjet e pajetë.
Menjëherë pas raportimit të rastit, në vendin e ngjarjes kanë dalë të gjitha njësitë përkatëse policore, si dhe ekipi mjekësor. Mjeku kujdestar ka konstatuar vdekjen e viktimës në vendin e ngjarjes.
Me vendim të prokurorit të rastit, trupi i pajetë është dërguar në Institutin e Mjekësisë Ligjore (IML) për autopsi, e cila do të zbulojë shkakun e vdekjes.