Chelsea përforcohet me Danny Welbeck, firmos kontratë dyvjeçare
Klubi i Chelseat ka finalizuar një marrëveshje dyvjeçare me sulmuesin anglez Danny Welbeck. Pritet që 33-vjeçari t’i bashkohet skuadrës në turneun parasezonal javën e ardhshme.
Transferimi i Welbeck, i cili vjen nga Brighton, është pjesë e strategjisë së klubit londinez për të shtuar përvojën në skuadër.
Aktualisht, Chelsea ndodhet në Sydney për fazën e parë të turneut parasezonal, të cilin e nisi me një fitore mbresëlënëse 6-4 ndaj Western Sydney Wanderers. Pas ndeshjes me Tottenhamin në Uellsin e Ri Jugor këtë fundjavë, skuadra do të udhëtojë drejt Hong Kongut për t’u përballur me Juventusin.
Disa prej lojtarëve kryesorë, të cilët kanë qenë me pushime pas Kupës së Botës, pritet t’i bashkohen ekipit pikërisht në Hong Kong. Nëse procedurat përmbyllem shpejt, Welbeck pritet të udhëtojë gjithashtu drejt Azisë për t’u integruar me pjesën tjetër të skuadrës.
Ish-sulmuesi i kombëtares angleze shënoi 13 gola në 37 paraqitje në Premier Ligë sezonin e kaluar. Welbeck tani pritet t’u nënshtrohet testeve mjekësore te Chelsea, i cili do të jetë klubi i pestë i përhershëm në karrierën e tij profesionale.
Performanca e paqëndrueshme dhe disa çështje disiplinore gjatë sezonit të kaluar e bindën drejtuesit e Chelseat dhe trajnerin e ri për nevojën e një ndryshimi strategjie, duke synuar shtimin e futbollistëve me përvojë për të garuar rregullisht në nivelet më të larta.