Një grua gjendet e pajetë në Malishevë, dyshohet se vdekja shkaktohet nga arresti kardiak
Një grua nga Malisheva është dërguar e pajetë në Qendrën Kryesore të Mjekësisë Familjare (QKMF) të qytetit. Mjeku kujdestar ka konstatuar vdekjen e saj, ndërsa dyshohet se shkaku i vdekjes ka qenë arresti kardiak.
Policia e Kosovës ka njoftuar për rastin në raportin e saj 24-orësh. Sipas raportit, ngjarja ka ndodhur në fshatin Bubavec të Malishevës, më 20 qershor 2026. Mjeku kujdestar, pas ekzaminimit të gruas, ka dyshuar se ajo kishte ndërruar jetë si pasojë e një arresti kardiak.
Me vendim të prokurorit, trupi i pajetë është dërguar në Institutin e Mjekësisë Ligjore (IML) për obduksion, me qëllim zbardhjen e plotë të shkakut të vdekjes.