Mbledhja e Komisionit për Shëndetësi, e paralajmëruar të mbahej sot, nuk u zhvillua. Ky lajm bëhet i ditur nga Ekonomia Online.
Shkaku i mosmbajtjes së saj ishte mungesa e kuorumit.
Në rendin e ditës së kësaj mbledhjeje ishte parashikuar shqyrtimi i raportit përfundimtar për Projektligjin nr. 10/L-028 për Sigurimin e Detyrueshëm të Kujdesit Shëndetësor.
Kryetari i Komisionit, Haxhi Avdyli, deputet nga radhët e Lëvizjes Vetëvendosje (VV), deklaroi se data e mbledhjes së ardhshme do të bëhet publike së shpejti.