**Goditje e Rëndë për Luka Dončić: Dëmtohet Rëndë, Mbyll Sezonin dhe Humb Garën për MVP**
Ylli slloven i NBA, Luka Dončić, ka pësuar një dëmtim të rëndë, duke i dhënë fund parakohshëm sezonit të tij dhe duke e nxjerrë jashtë garës për çmimin e Lojtarit më të Vlefshëm (MVP).
Basketbollisti i Dallas Mavericks pësoi një dëmtim të muskujve të kofshës gjatë ndeshjes kundër Oklahoma City Thunder dhe u detyrua të largohej nga fusha, duke mos e vazhduar lojën.
Me këtë dëmtim, raportohet se 25-vjeçari tashmë ka humbur pjesën e mbetur të sezonit dhe nuk do të jetë i gatshëm të ndihmojë skuadrën e tij, Mavericks, në ndeshjet vendimtare të play-off-it.
Gjithashtu, Dončić, i cili po zhvillonte një sezon të jashtëzakonshëm dhe konsiderohej një ndër kandidatët kryesorë për çmimin MVP, tani është jashtë garës pasi nuk ka arritur pragun e 65 ndeshjeve sezonale.
Ai aktualisht mban një mesatare mbresëlënëse prej 33.5 pikësh për ndeshje, më e mira në ligë, së bashku me 8.3 asistime dhe 7.7 ribaunde. Burimi i informacionit është IndeksOnline.