Deputeti i PDK-së, Enver Hoxhaj, mik dhe bashkëpunëtor i hershëm i ish-presidentit Hashim Thaçi dhe ish-kryeparlamentarit Kadri Veseli, ka publikuar sot një video ku ndërthuren pamje nga Marshi i Lirisë, i mbajtur dje në Prishtinë, dhe nga marshi madhështor i UÇK-së, i zhvilluar po në kryeqytet në shtator të vitit 1999.
“Vetëm edhe dy ditë”, ka shkruar Hoxhaj krahas videos, duke iu referuar 16 shtatorit, datë kur pritet të shpallet aktgjykimi ndaj ish-krerëve të UÇK-së në Hagë.