Dy Komisione Parlamentare Shqyrtojnë Sot Projektligjin për Konfiskimin e Pasurisë së Pajustifikueshme
Dy komisione parlamentare të Kuvendit të Kosovës do të mbajnë mbledhje sot, me fokus shqyrtimin e Projektligjit për Byronë Shtetërore për Verifikimin dhe Konfiskimin e Pasurisë së Pajustifikueshme.
Në orën 09:00, Komisioni për të Drejtat dhe Interesat e Komuniteteve dhe Kthim do të diskutojë draftligjin. Ai do të shqyrtojë projektligjin, bashkë me amendamentet e përgatitura nga komisioni raportues, duke theksuar ndikimin e tij në të drejtat dhe interesat e komuniteteve.
Më pas, në orën 10:00, do të mblidhet Komisioni për Legjislacion, Mandate, Imunitete, Rregulloren e Kuvendit dhe Mbikëqyrjen e Agjencisë për Parandalimin e Korrupsionit. Ky komision do të shqyrtojë raportet e përgatitura nga komisionet kryesore lidhur me të njëjtin Projektligj.