Liverpooli Shkarkon Arne Slot, Identifikohet Pasuesi i Mundshëm
Liverpooli ka vendosur të ndahet me trajnerin holandez, Arne Slot, me efekt të menjëhershëm, pas një vlerësimi të detajuar në fund të sezonit.
Lajmin e bën të ditur eksperti i transferimeve, Fabrizio Romano, i cili thekson se largimi i Slot vjen pas diskutimeve në nivel bordi. Këto diskutime kanë arritur në përfundimin se projekti aktual do të mbyllej para kohe, duke i dhënë fund mandatit të tij në “Anfield”.
Slot mori drejtimin e skuadrës nga Jurgen Klopp më 1 qershor 2024 dhe arriti të fitonte Ligën Premier në sezonin e tij të parë. Megjithatë, sezoni i tij i dytë rezultoi dukshëm më i vështirë. Skuadra dështoi të përfshihej në garën për titull, ndërsa u karakterizua nga performanca të paqëndrueshme dhe rezultate të dobëta. Klubi nga “Anfield” e mbylli kampionatin në vendin e pestë dhe pa asnjë trofe, situatë që detyroi drejtuesit të ndërmerrnin veprime.
Romano shton se ish-trajneri i Bournemouth, Andoni Iraola, është shfaqur si kandidati kryesor për të marrë postin e trajnerit të ardhshëm të Liverpoolit.