**Enver Hoxhaj falënderon qytetarët e Podujevës dhe Mitrovicës për mbështetjen e gjerë**
Kandidati për deputet nga Partia Demokratike e Kosovës (PDK), Enver Hoxhaj, ka shprehur falënderime ndaj qytetarëve të Podujevës dhe Mitrovicës për mbështetjen e marrë gjatë takimeve të zhvilluara të premten mbrëma.
Përmes një postimi në llogarinë e tij në rrjetet sociale, Hoxhaj theksoi se kishte ndier nga afër besimin dhe përkrahjen e qytetarëve në këto dy komuna, duke e vlerësuar atë si përgjegjësinë më të madhe për çdo politikan.
“Besimi i njerëzve është përgjegjësia më e madhe. Mbrëmë në Podujevë dhe Mitrovicë e ndjeva peshën e bukur të këtij besimi. Çdo dorë e shtrënguar, çdo buzëqeshje dhe çdo fjalë e mirë e mbrëmshme do të mbetet me mua,” citoi Hoxhaj.
Ai e shoqëroi postimin me fotografi nga takimet me qytetarët në Podujevë dhe Mitrovicë, duke nënvizuar se mbështetja e marrë gjatë fushatës zgjedhore shërben si motivim për angazhimin e tij të mëtejshëm politik.
Hoxhaj garon në zgjedhjet e 7 qershorit si kandidat për deputet nga Partia Demokratike e Kosovës, duke mbajtur numrin 10 në listën zgjedhore.