Leo Messi po ndjek një program intensiv përgatitor për të arritur në formën optimale fizike, pak ditë para ndeshjes hapëse të Argjentinës në Kupën e Botës kundër Arabisë Saudite.
Sipas burimeve të ‘Diario Ole’, ylli argjentinas po zbaton një program rikuperimi me dy seanca ditore. Qëllimi kryesor është rikthimi i plotë fizik, në mënyrë që të jetë gati për nisjen e Botërorit, siç raporton IndeksOnline.
Messi nuk pritet të marrë pjesë në ndeshjen miqësore kundër Hondurës. Megjithatë, ai mund të luajë për disa minuta në takimin pasardhës ndaj Islandës.
Plani i rikuperimit përfshin pushim, rehabilitim të kujdesshëm, rritje graduale të ngarkesave fizike dhe një disiplinë të hekurt. I gjithë procesi monitorohet nga fizioterapisti Luis Garcia dhe trajneri i fitnesit Luis Martín.
Ndërkohë që pjesa tjetër e ekipit argjentinas zhvillon stërvitjet kolektive, Messi po punon individualisht në fushë. Ky përkushtim tregon profesionalizmin e lartë të yllit, i cili synon të jetë në formën më të mirë në nisje të turneut më prestigjioz të futbollit botëror.