Ndeshja mes Rayo Vallecanos dhe Athletic Bilbaos është ndërprerë përfundimisht, pas protestave të dhunshme të tifozëve vendas, të cilët hodhën objekte të ndryshme në fushë.
Incidentet nisën rreth minutës së 13-të të takimit, kur mbështetësit filluan të hidhnin aeroplanë letre dhe topa të vegjël plastikë në fushë. Ky veprim ishte një shenjë e qartë proteste ndaj drejtuesve të klubit.
Pas një ndërprerjeje të shkurtër, loja rifilloi. Megjithatë, hedhja e objekteve vazhdoi, duke mos lënë zgjidhje tjetër gjyqtarit veçse ta ndërpriste përfundimisht takimin.
Tashmë, fati i ndeshjes do të vendoset nga organet kompetente të La Ligës dhe Federatës Spanjolle të Futbollit. Prerazumojet se ato do të shqyrtojnë nëse ndeshja do të riluhet në një datë tjetër, apo nëse do të merret një vendim tjetër disiplinor, si humbja në tavolinë për ekipin nikoqir.