Qeveria e Kosovës ka mbajtur një mbledhje elektronike, pas një seance plenare ku morën pjesë vetëm deputetët e Lëvizjes Vetëvendosje dhe disa të pakicave etnike. Kjo mbledhje u zhvillua ndërsa debati qendror politik është zgjedhja e Presidentit, pasi afati kushtetues për këtë çështje është duke u shterur. Kryeministri Albin Kurti, gjatë seancës paraprake, akuzoi opozitën për bllokadë në procesin e zgjedhjes së Presidentit.
Pas mbledhjes elektronike të Qeverisë, Zyra e Kryeministrit (ZKM) ka bërë të ditur vendimet e miratuara.
Vendimet e Qeverisë përfshijnë:
* Miratimin e vendimit për shtimin e listës së mallrave në Aneksin A të Ligjit Nr. 03/L-220 për Ndryshimin dhe Plotësimin e Ligjit Nr. 03/L-112 për Tatimin mbi Akcizën në Kosovë.
* Miratimin e vendimit për aprovimin e Listës së anëtarëve potencialë të Komisionit Shtetëror të Pranimit për Kategorinë e Lartë Drejtuese.
* Miratimin në parim të Nismës për “Amendamentin Nr. 2 të Marrëveshjes Financiare ndërmjet Republikës së Kosovës dhe Bashkimit Evropian për programin IPA 2019, pjesa e parë”.