Eurodeputeti kroat Tonino Picula ka theksuar se zgjerimi i Bashkimit Evropian duhet të bazohet në meritë dhe jo në afate politike.
Përmes një postimi në platformën X, Picula shpjegoi se BE-ja duhet të jetë e përgatitur për të mirëpritur anëtarë të rinj, por duke garantuar njëkohësisht që çdo vend kandidat është vërtet i gatshëm për anëtarësim. Kjo, sipas tij, nënkupton përmbushjen e angazhimeve, zbatimin e reformave thelbësore dhe plotësimin e të gjitha kritereve të nevojshme.
Ai nënvizoi gjithashtu se rrethanat aktuale gjeopolitike nuk duhet të shërbejnë si justifikim për të anashkaluar apo larguar nga standardet dhe kriteret e vendosura.