Glauk Konjufca, Ministër i Punëve të Jashtme dhe Zëvendëskryeministër, ka deklaruar se procesi i zgjedhjes së Presidentit të ri varet tërësisht nga vullneti i partive opozitare. Ky deklarim vjen sipas raportimit të Ekonomia Online.
Konjufca, i cili njëherësh është edhe kandidat zyrtar i Lëvizjes Vetëvendosje (LVV) për postin e Presidentit, theksoi se është i gatshëm të tërheqë kandidaturën e tij sapo opozita të paraqesë një propozim konkret për këtë post.
Ai paralajmëroi se, në mungesë të një marrëveshjeje, vendi mund të shkojë drejt zgjedhjeve të reja. “Nëse ky është vullneti i opozitës, atëherë do të shkojmë në zgjedhje të reja. Nuk kemi çka të bëjmë tjetër”, citohet të ketë thënë shkurt Konjufca.