**Thatësira kërcënon të rrisë çmimin e ujit të pijshëm në Zvicër**
Thatësira e vazhdueshme në Zvicër pritet të rrisë çmimin e ujit të pijshëm, duke sjellë pasoja direkte në faturat e konsumatorëve, paralajmërojnë ekspertët.
Ekspertët vlerësojnë se Zvicra nuk ishte e përgatitur mjaftueshëm për thatësirën aktuale dhe ndikimin e saj në furnizimin me ujë, raporton albinfo. Mungesa e strategjive afatgjata mund të shkaktojë vështirësi në furnizim dhe, rrjedhimisht, rritje të kostove për konsumatorët.
Hidrologu Tobias Wechsler thekson se përgjegjësia kryesore për menaxhimin dhe furnizimin me ujë i takon kantoneve. Ai shton se ato duhet të zhvillojnë urgjentisht strategji të qëndrueshme për menaxhimin e ujit, me qëllim parandalimin e mungesave dhe rritjes së kostove.
Situata është bërë veçanërisht serioze për shkak të periudhës së zgjatur të thatësirës, e cila ka prekur zona të ndryshme të vendit.