Vinicius Jr. i Shpreh Mbështetje Lamine Yamalit Pas Incidentit Racist
Ylli brazilian i Real Madridit, Vinicius Jr., ka shprehur hapur mbështetjen e tij për futbollistin e ri të Barcelonës, Lamine Yamal, pas thirrjeve raciste dhe islamofobike të drejtuara ndaj këtij të fundit.
Këto deklarata, lojtari i Real Madridit i bëri gjatë një konference për shtyp, një ditë para ndeshjes së kthimit gjysmëfinale të Champions League kundër Bayern Munich. Yamal, talenti i Barcelonës dhe i kombëtares spanjolle, ishte shënjestër e abuzimeve gjatë një ndeshjeje të Spanjës kundër Egjiptit, një ngjarje që shkaktoi reagime të shumta.
Duke iu referuar shpeshtësisë së këtyre incidenteve, Vinicius deklaroi: “Ndodh shpesh dhe shpresoj se mund ta vazhdojmë këtë luftë [kundër racizmit].” Ai theksoi rëndësinë e të folurit hapur kundër padrejtësisë: “Është e rëndësishme që Lamine Yamal të flasë hapur; ai mund t’i ndihmojë të tjerët. Ne jemi të famshëm, kemi para, mund t’i kompensojmë këto dallime, por të varfrit vuajnë shumë më tepër se ne. Ne duhet të qëndrojmë të bashkuar.”
Ndeshja e kthimit gjysmëfinale mes Real Madridit dhe Bayern Munich do të zhvillohet nesër në stadiumin “Santiago Bernabeu”, në orën 21:00.