** Xavi Hernandez thyen një traditë gati 50-vjeçare, duke u bërë trajneri i ri i Kombëtares së Holandës. Pas eliminimit të tyre në fazën e 1/16-ve të Kupës së Botës kundër Marokut, Federata Holandeze e Futbollit ka vendosur t’i besojë drejtimin ish-mesfushorit dhe trajnerit të Barcelonës, i cili ishte në kërkim të një sfide të re dhe emocionuese për t’u rikthyer në detyrë, pas dy vitesh pasiviteti në fushën e futbollit.
Spanjolli 46-vjeçar ka nënshkruar një kontratë që do të zgjasë deri në Kupën e Botës së ardhshme, e cila do të zhvillohet në verën e vitit 2030 në Spanjë, Portugali dhe Marok.
Debutimi i trajnerit të ri të “Portokallinjve” do të bëhet të enjten, më 24 shtator, kur do të përballet me Gjermaninë në “Johan Cruijff Arena” në kuadër të Ligës së Kombeve. Më pas, gjatë rrugëtimit të tij, Xavi do të përballet edhe me Serbinë dhe Greqinë.
“Për mua është një nder i jashtëzakonshëm të bëhem trajner i kombëtares holandeze. Duke qenë se jam rritur në akademinë e Barcelonës, me ndikimin e fortë të personaliteteve si Johan Cruijff dhe Rinus Michels, ndjej një lidhje të veçantë me futbollin holandez. Mund të thuhet se jam disi bir i futbollit holandez,” deklaroi Xavi gjatë prezantimit të tij si trajneri i ri.
Xavi është trajneri i parë i huaj i kombëtares holandeze që nga viti 1977, kur këtë detyrë e mbante austriaku Ernst Happel, i cili drejtoi ekipin nga viti 1977 deri në vitin 1978. Megjithatë, për “Portokallinjtë”, angazhimi i një trajneri të huaj nuk është një fenomen tërësisht i panjohur në histori. Xavi është trajneri i 21-të i huaj në historinë e Holandës. Në fillim të shekullit të kaluar, Federata Holandeze ka pasur shumë trajnerë të ardhur nga Anglia, e më pas edhe nga Austria.