Një tjetër sukses i madh për Manchester Cityn, pasi Nico O’Reilly është shpallur lojtari i ri më i mirë i Premier League për sezonin e kaluar.
21-vjeçari mori çmimin gjatë ceremonisë së Professional Footballers’ Association (PFA), të zhvilluar të martën në mbrëmje, ku më të mirët e futbollit anglez zgjidhen përmes votave të vetë futbollistëve.
Sezon i jashtëzakonshëm me Cityn
O’Reilly është shndërruar në një nga lojtarët më të rëndësishëm të Manchester Cityt.
Gjatë sezonit 2025/26, mbrojtësi i majtë zhvilloi 55 paraqitje në të gjitha garat, duke realizuar nëntë gola dhe duke dhuruar gjashtë asistime.
Nico O’Reilly is the PFA Young Player of the Year in association with @play_eFootball 🏆
Voted for by the players 🤝 pic.twitter.com/GecMhhOeNB
— PFA (@PFA) August 25, 2026
Shifrat e tij tregojnë jo vetëm kontribut të madh në fazën mbrojtëse, por edhe ndikim të drejtpërdrejtë në lojën sulmuese.
Hero në finalen e Kupës së Ligës
Paraqitjen më të madhe të sezonit, O’Reilly e rezervoi për finalen e Kupës së Ligës ndaj Arsenalit në mars.
Ai realizoi të dy golat në fitoren 2-0 të Manchester Cityt, duke i dhuruar skuadrës trofeun dhe duke u kthyer në protagonistin absolut të finales.
Shkëlqeu edhe me Anglinë në Botëror
Forma e tij e mirë nuk u kufizua vetëm te klubi.
O’Reilly ishte gjithashtu një nga lojtarët më të spikatur të Anglisë në Kupën e Botës 2026, duke ndihmuar kombëtaren të përfundonte në vendin e tretë.
Çmimi i PFA-së konfirmon ngritjen e tij të shpejtë dhe e vendos 21-vjeçarin mes emrave më premtues të futbollit anglez.