Georgina Rodriguez, e fejuara e futbollistit të njohur Cristiano Ronaldo, ka tërhequr të gjithë vëmendjen në Festivalin e Filmit në Kanë, duke u shfaqur me një ndryshim të papritur në pamje. Në ceremoninë “Kering Women in Motion” ajo prezantoi flokë të rinj biondë, duke hequr dorë nga nuanca e saj tradicionale brune dhe duke lënë të habitur publikun dhe ndjekësit në rrjetet sociale.
Për këtë rast special, Georgina kishte zgjedhur një palë pantallona elegante të zeza dhe një këmishë me dekolte të thellë, e cila zbulonte reçipeta dantelle. Veshjen e saj e kishte kompletuar me bizhuteri luksoze dhe një çantë dore të shtrenjtë, duke theksuar stilin e saj të veçantë.
Transformimi i saj i menjëhershëm shkaktoi një valë komentesh dhe debatesh në platformat sociale. Ndërsa disa e vlerësuan guximin e saj për të eksperimentuar me look-un, të tjerë shprehën mosmiratim për pamjen e re. Disa përdorues shtruan pyetjen nëse Georgina po mbante një paruke apo nëse e kishte ndryshuar vërtet ngjyrën e flokëve. “Nuk më pëlqen kjo paruke e saj,” shkroi njëri, ndërsa një tjetër komentoi ashpër: “Ajo mund të tregojë gjithë arin e botës që ia bleu Ronaldo, nuk do të jetë kurrë elegante.”
Nga ana tjetër, shumë i dolën në mbrojtje. “Më pëlqen që nuk ka frikë të eksperimentojë me pamjen e saj,” lexohej në një koment, ndërsa një tjetër thjesht shtoi: “I shkon shumë mirë.”