FSK dhe EUCOM mbajnë takimin e parë të Bordit për Ndërveprueshmërinë e Komandës dhe Kontrollit
Komanda Evropiane e Shteteve të Bashkuara (EUCOM), përmes Partneriteteve Ndërkombëtare C4, dhe Forca e Sigurisë së Kosovës (FSK) zhvilluan sot takimin e tyre të parë të Bordit për Ndërveprueshmërinë e Komandës dhe Kontrollit. Ky takim shënon një hap të rëndësishëm në thellimin e bashkëpunimit dypalësh në fushën e mbrojtjes dhe sigurisë.
Bordi i ri ka si qëllim kryesor forcimin e ndërveprueshmërisë dhe koordinimit mes Shteteve të Bashkuara, Kosovës dhe Aleancës së NATO-s. Në thelb të kësaj përpjekjeje qëndron siguria e komunikimeve (COMSEC), e cila shërben si shtylla qendrore për të gjitha aktivitetet dhe iniciativat e ndërveprueshmërisë.