Sterling drejt Brazilit? Ofrohet te Vasco da Gama
Sulmuesi anglez Raheem Sterling, me një karrierë të shkëlqyer në futbollin anglez ku ka luajtur për klube si Manchester City, Liverpool, Arsenal dhe Chelsea, po kërkon një destinacion të ri. Së fundmi, ai u është ofruar drejtuesve të klubit brazilian CR Vasco da Gama.
Sipas burimeve të afërta me klubin brazilian, drejtuesit e Vasco da Gamës po e shqyrtojnë me kujdes mundësinë e transferimit të 31-vjeçarit. Kjo vjen në një kohë kur Sterling është në kërkim të një destinacioni të ri për të vazhduar karrierën e tij.
Megjithatë, për momentin nuk ka bisedime të avancuara apo ndonjë marrëveshje të arritur mes palëve. Mbetet ende për t’u parë nëse Vasco da Gama do të ndërmarrë hapa konkretë për të siguruar shërbimet e yllit anglez.