**Sekretet e atyre që rrallë sëmuren: Praktikat për një shëndet të hekurt**
Ndoshta keni vënë re persona që duket se gëzojnë gjithmonë shëndet të plotë, pavarësisht ftohjeve apo stresit që prek rrethin e tyre. Nëse jeni kuriozë të dini se çfarë bëjnë këta individë për të ruajtur vitalitetin, është momenti të zbuloni disa nga strategjitë e tyre. Më poshtë gjeni disa praktika që mund t’i adoptosh edhe ti.
**Gjumi i mjaftueshëm**
Amelia Narcisi dëshmon: “Unë fle 8-10 orë gjumë çdo natë dhe jam gjithmonë e shëndetshme.” Ekspertët e gjumit theksojnë se një gjumë cilësor dhe i mjaftueshëm është thelbësor për një sistem imunitar të fuqishëm. Një studim ka vërtetuar se individët që flenë vetëm 5-6 orë gjatë natës kanë 30% më shumë gjasa të preken nga gripi pas ekspozimit ndaj një virusi, krahasuar me ata që flenë më shumë se 7 orë.
**Konsumimi i vitaminës C**
Pavarësisht të dhënave shkencore të kufizuara që lidhin drejtpërdrejt vitaminën C me përmirësimin e imunitetit, Sam Jernigan ka një besim të fortë në efektin e saj. Ai shprehet: “Sa herë ndjej shenjat e para të një sëmundjeje, marr deri në katër herë në ditë doza të larta të vitaminës C, rreth 2000 miligramë.” Ai shton: “Në 15 vjet, nuk jam prekur asnjëherë nga gripi.”
**Menaxhimi i stresit**
Është dëshmuar shkencërisht se stresi kronik dobëson ndjeshëm sistemin imunitar. Për këtë arsye, menaxhimi efektiv i stresit është thelbësor për ruajtjen e shëndetit.
**Higjiena rigoroze**
Dan Collins, zëdhënës për mediat në një spital në Baltimore, ndan disa nga praktikat e tij: “I laj duart vazhdimisht dhe, sa herë që kam mundësi, përdor një pecetë për të hapur dyert dhe për të prekur butonat e ashensorit.” Ai shton: “Gjithashtu, sa herë ulem në tavolinë, i pastroj duart menjëherë me një pecetë të lagur sanitare.” Collins thekson se mban frymën për 15 sekonda nëse dikush teshtin afër tij dhe merr suplemente zinku sapo vëren shenjat e para të gripit.
**Ushtrimet fizike të rregullta**
Aktiviteti fizik i rregullt forcon sistemin imunitar dhe ul ndjeshëm rrezikun e infeksioneve të rrugëve të frymëmarrjes. Julie Michener pohon: “Unë dhe bashkëshorti im stërvitemi të paktën tre herë në javë dhe kemi punuar me një trajner personal për vite me radhë. Besoj se kjo është arsyeja kryesore pse unë rrallë sëmurem, edhe kur kolegët në zyrë janë të prekur nga virozat.”