QKUK: Dy vdekje dhe 326 shërbime emergjente në 24 orë
Qendra Klinike Universitare e Kosovës (QKUK) ka raportuar dy raste vdekjeje dhe 326 shërbime emergjente të kryera gjatë 24 orëve të fundit.
Sipas raportit 24-orësh të QKUK-së, numri më i madh i pacientëve të trajtuar ishte në Emergjencën e Mjekësisë së Brendshme, ndërsa më i vogli në Emergjencën e Ortopedisë.
Nga numri i përgjithshëm i pacientëve, 83 raste u menaxhuan në Departamentin e Reanimacionit, 97 në Emergjencën e Mjekësisë së Brendshme, 64 në Emergjencën e Kirurgjisë, ndërsa 55 pacientë morën trajtim në Emergjencën e Ortopedisë. Në Sallën e Intervenimeve të Vogla, u trajtuan 27 pacientë, kryesisht për procedura si qepja, përpunimi dhe pastrimi i plagëve.
Sa i përket lëndimeve dhe rasteve të veçanta, gjatë kësaj periudhe u regjistruan 4 persona të lënduar me armë zjarri, 1 person me armë të ftohtë, si dhe 17 persona të tjerë si pasojë e aksidenteve në trafik, duke e bërë këtë shkakun kryesor të lëndimeve të regjistruara.
Brenda këtyre 24 orëve, u kryen edhe 36 pranime për trajtim të mëtejshëm në klinika të ndryshme të QKUK-së.