Mesfushori i Kosovës, Leon Avdullahu, ka treguar besim të madh para ndeshjes së parë të “Dardanëve” në edicionin e ri të Ligës së Kombeve.
Kosova do të përballet me Irlandën në Prishtinë, në kuadër të Ligës B, Grupit 3 të UEFA Nations League.
Në prag të kësaj sfide, Avdullahu ka bërë të qartë se Kosova nuk i frikësohet Irlandës, por as kundërshtarëve të tjerë në grup.
“Jemi gati, nuk kemi frikë. Duam të jemi të parët në grup”, deklaroi Avdullahu për RTÉ Sport.
Kosovo midfielder Leon Avdullahu has said they do not fear the Republic of Ireland or any side in the UEFA Nations League group ahead of the start of the campaign.
"We are ready, we are not scared, we want to be first in the group." pic.twitter.com/jDufZZ08Wp
— RTÉ Sport (@RTEsport) September 23, 2026
Deklarata e mesfushorit tregon ambiciet e Kosovës për këtë edicion të Ligës së Kombeve, me “Dardanët” që synojnë ta nisin me rezultat pozitiv aventurën e tyre në Ligën B.
Përballja me Irlandën do të zhvillohet në stadiumin “Fadil Vokrri”, ndërsa për Kosovën kjo ndeshje paraqet mundësinë e parë për të treguar pretendimet e saj në një grup ku bëjnë pjesë gjithashtu Austria dhe Izraeli.
Avdullahu dhe bashkëlojtarët e tij synojnë që faktorin vendas ta shfrytëzojnë maksimalisht dhe ta nisin me këmbë të mbarë garën për kreun e grupit.